Dahil panahon ng Undas, kuwentong multo ang tema ng lingguhang vlog ni Pangulong Ferdinand Marcos Jr. kung saan ikinuwento nito ang mga naging karanasan sa mga multo sa Palasyo noong kanyang kabataan.
Ayon sa Pangulo, ang kuwarto niya noong tumira ang kanilang pamilya sa Malacañang ay malapit sa state dining room at minsang pumasok siya sa kanyang kuwarto ay biglang gumalaw ang mga gamit kaya tumakbo ito sa kanyang mga security at nagsisigaw ito na may multo.
Maging ang mga mabibigat at naglalakihang chandelier o kandelabrang nakasabit sa kisame ng Malacañang ay gumagalaw aniya kahit wala namang malakas na hangin.
Sinabi ng Pangulo na maging ang hagdan sa main entrance ng Palasyo ay mayroon din itong kakaibang nararamdaman dahil tila aniya mayroong nakatingin sa kanya sa likuran kaya paatras siyang umaakyat 'pag pumapasok.
"Kung minsan 'pag gabi, lalo na 'pag nag-iisa ka, 'pag paakyat sa front door, 'yung pormal na hagdan papasok sa Palasyo, ilang beses nangyari sa akin ramdam na ramdam ko na may nakatingin sa akin sa likod, kaya paatras tuloy akong paakyat dahil talagang nakakatakot," kuwento ng Pangulo.
Nag-ghost haunting aniya sila ng mga kaibigan niya noong kabataan pa nito sa loob ng Malacañang at isa sa mga kaibigan ang magbubukas sana ng pintuan subalit bago pa man mahawakan ang door knob ay bumukas kusa ang pintuan kaya nagtakbuhan sila.
Mayroon din aniyang nanggigising sa mga miyembro ng Presidential Security Group sa reception hall na tinawag na si 'Father Brown'.
Si Father Brown aniya ay paring Amerikano na nagtrabaho sa Malacañang noong panahon ng mga Amerikano at tila hindi na umalis.
Maroon ding sariling karanasan ang mga matagal ng staff sa Palasyo gaya nina Ruel, Rommy, Chris at Lito na anila kapag nagla¬lakad sila sa loob ng Palasyo ay nararamdaman nilang mayroong sumusunod sa kanila gayong wala namang tao at ang kasunod anila ay parang nanlalaki ang kanilang mga ulo dahil sa takot.
Iba naman ang naging¬ karanasan ng isa pang Malacañang staff na si Mario dahil nang iniwanan siya ng kasama ay nagulat siya dahil may nakaupong lalaki sa mesa, walang ulo na nakasuot ng barong.
MICHAEL DINGLASAN - HN INVESTIGATIVE REPORTER
No comments:
Post a Comment