Mahalagang matirhan ang mga lugar sa Kalayaan Island Group para mapaunlad ang nasabing teritoryo ng Pilipinas, ayon kay Department of National Defense (DND) Secretary Gilberto Teodoro Jr.
Ipinahayag ito ng kalihim matapos bumisita sa Pag-asa Island kasama sina Senate President Juan Miguel Zubiri, Senate Majority Leader Joel Villanueva at Senador JV Ejercito noong Huwebes para sa groundbreaking ng mga infrastructure project doon.
"Kailangan po natin ang civilian dito because this is for them. This is not just purely for military purposes. Ang beneficiary nito ay civilians. Ang resources, ating undersea and subsea resources para sa inyong lahat. So importante po may civilians dito. Kailangan po natin i-habitate ito para maging sustainable," ani Teodoro.
"Also, for a business case scenario, sa ating mga small fishermen, kailangan, imbes na magpalaot sila galing mainland Palawan, you might as well establish sustainable communities here," dagdag ng kalihim.
Samantala, nananatiling ligtas aniya ang mga residente ng Pag-asa Island sa kabila ng patuloy na pambu-bully ng China Coast Guard sa mga barko ng Pilipinas sa West Philippine Sea.
"Sa tingin ko po, safe sila eh. Because no right-thinking nation will attack civilians," sagot ni Teodoro sa tanong ng mga reporter.
MICHAEL DINGLASAN - HN INVESTIGATIVE REPORTER
No comments:
Post a Comment