Charity begins at home. Gabay ang nabanggit na matandang kasabihan, inanunsyo ni Manila Mayor Honey Lacuna na ang mga city employees ang uunahin sa distribusyon ng housing units na iti-turn over anumang araw sa ilalim ng local government's housing program.
Sinabi ni Lacuna na ang first three housing units na itinayo sa panahon ng pandemic ay na-turned over sa mga qualified informal settlers kaya naman ang ang susunod na tatlo ay mgacity employees na ang beneficiaries.
"Sa pagkakataong ito, ang prayoridad naman po natin ay ang ating mga empleyado. Hindi naman po kaila sa inyo na hindi naman po lahat ng empleyado ay may sariling tahanan, kaya minabuti namin ngayon na mas bigyang pagpapahalaga ang sariling atin," pahayag ng alkalde.
Nabatid na ang ang unang tatlong units ng condominium buildings na naitayo na kinabibilangan ng Tondominium 1, Tondominium 2 at Binondominium ay nai-award na sa qualified informal setllers at ngayon ay mga nakatira na dito.
Nakatakdang i-turnover ang Sebastian Residences kung saan inatasan ni Lacuna si Manila Urban Settlements Office (MUSO) chief Atty. Danny De Guzman na asikasuhing mabuti ang pagpili sa mga deserving beneficiaries, kasabay ng papuri nito sa napakahirap na trabahong kanyang ginagawa, sa pagtugon ng pamahalaang lungsod na bigyan ng disenteng bahay ang mga Manileño na matatawag nilang kanila.
Inanunsyo din ng lady mayor ang turnover ng Pedro Gil Residences at San Lazaro Residences na inaasahang matatapos sa taong ito. Ang mga kawani ng Manila City Hall ang inaasahang unang makikinabang ito.
"Ang amin lamang pong pakusap, sana po ay pangalagaan ninyo ng inyong magiging bagong tahanan… sana po, ang inyong pananagutan sa ating pamahalaan ay tupdin din po natin. Hindi po maliit na halaga ang iginuguol natin dito kaya pahalagahan po natin," pagbibigay diin nito.
Tiniyak ni Lacuna na patuloy ang pamahalaang lokal sa pagkakaloob ng pabahay sa mga Manileño.
HAZEL HEDI - HN INVESTIGATIVE REPORTER
No comments:
Post a Comment