MAY GO SIGNAL NA NG KORTE SUPREMA SA PAGDINIG NG PDAF CASE NI DATING SENADOR JUAN PONCE ENRILE

By Headlines Ngayon on July 31, 2024

Dapat pagbigyan ang prosekusyon na magprisinta ng ebidensya sa sarili nitong pagpapasya basta naayon sa batas at regulasyon.

Ito ang nakasaad sa desisyon ng Supreme Court En Banc na pinonente ni Associate Justice Maria Filomena D. Singh.

Ibinasura ng SC ang petition for prohibition ni Enrile at binigyan ng go-signal ang Sandiganbayan na ituloy ang pagdinig sa plunder case laban kay dating Senador at ngayo'y Chief Presidential Legal Counsel Juan Ponce Enrile.

Sinabi ng SC na hindi dapat limitado lamang sa nakasaad sa Bill of Particulars ang mga ebidensya ng prosekusyon gaya ng iginigiit ni Enrile.

"A bill of particulars supplements the Information in criminal cases, providing details necessary for the accused to understand the prosecution's theory and prepare for their defense. While a bill of particulars can limit the prosecution's evidence, this means that such evidence must relate to the specific crime charged in the Information. The Court further clarified that a bill of particulars does not and should not narrate the prosecution's trial plan. Thus, it is expected that the prosecution, during the trial, will present evidence not mentioned in the bill of particulars."

Nilinaw pa ng Korte na hindi dapat at hindi kailangan nakasaad ang trial plan ng prosekusyon sa bill of particulars. Dahil dito, maaring magprisinta ng ebidensya ang prosekusyon na hindi nakasaad sa bill of particulars.

Magugunita na 2014 ng kasuhan ng Ombudsman si Enrile, ang dating Chief of Staff nito na si Jessica Lucila Reyes, ang negosyanteng si Janet Lim Napoles, Ronald John Lim at John Raymund de Asis ng plunder kaugnay sa Priority Development Assistance Fund (PDAF) ni Enrile.

Naghain si ng Enrile Motion for Bill of Particulars sa Sandiganbayan para makakuha siya ng mga partikular na detalye sa prosecution upang makapaghanda sa trial.

Iginiit ng SC na bagaman mahalaga ang bill of particulars para matukoy ang mga pangunahing isyus, hindi ito "exhaustive list" na maaring iprisinta ng prosekusyon.

MICHAEL DINGLASAN - HN INVESTIGATIVE REPORTER