Pawang Chinese nationals ang karamihan sa biktima ng lahat ng POGO-related dahil nakapagsasalita ito ng matatas sa salitang Tsino, ayon kay Philippine National Police chief Benjamin Acorda.
Iniulat ito ni Acorda nitong Miyerkules sa Senate Finance Committee sa ginanap na deliberasyon ng panukalng P262 bilyong badyet ng Department of Interior and Local Government at attached agencies sa susunod na taon.
Ginisa ni Senador Risa Hontiveros si Acorda hinggil sa ebalwasyon ng POGO-related crimes.
"Sino-sino ang mga majority ng victim-survivors? At kamusta na yung status nitong dalawang grupo?" ayon kay Hontiveros.
"It is the Chinese nationals that are mostly involved in these crimes," tugon ni Acorda.
"What is common to these rescued foreign nationals, regardless kung Vietnamese, Cambodian or Malaysian, they are all Chinese-speaking," sagot pa ng PNP chief.
Sinabi pa ni Acorda na pinatalsik sa kanilang pinanggalingan ang mga arestadong Chinese nationals.
Tiniyak pa ng hepe ng pambansang pulisya sa Senado na hindi banta sa pambansang seguridad ang insidente bilang tugon sa katanungan ni Hontiveros kung may Chinese spies na sangkot dito na nagtatago bilang manggagawa ng POGO.
"As far as the PNP is concerned, with regards to information that will directly say that there is a threat to our national security, wala pa naman tayong nakikita, especially in the presence of these POGO operations," ayon kay Acorda.
"But I am seeing also at the early stage that we can initiate measures that really the national interest is always protected, mas maganda po," giit pa niya.
Iginiit naman ni Sen. Sherwin Gatchalian nakapambiktima ng mahigit 38 katao sa POGO-related cases noong 2019, 128 katao nitong 2022, at 4,039 katao sa unang bahagi ng kasalukuyang taon.
"What is your analysis as to why there is a sudden surge of reported number of victims for 2023 and what trends are they seeing in POGO-related crimes?" tanong ni Gatchalian.
Sinisisi naman ni Acorda sa krimen ang manggagawa na nakatira sa condominiums aat saradong compounds na mahirap i-monitor.
Nasakote naman ang maraming suspek dulot ng pinatinding kampanya ng gobyerno laban sa POGO, giit pa ni Acorda.
"Crime statistics is alarming. And to my appreciation, it should be properly regulated and monitored," ayon kay Acorda tugon sa tanong kung nandito pa sa bansa ang POGO syndicates.
"Kung hindi naman talaga properly regulated and monitored, mas magandang wala na po," dagdag niya.
HAZEL HEDI - HN INVESTIGATIVE REPORTER
No comments:
Post a Comment