Iginiit ni United Nations (UN) Special Rapporteur Irene Khan na mapanganib para sa mga mamamahayag ang Pilipinas.
Hindi aniya sapat ang media security task force ng gobyerno dahil mismong ang mga pulis at mga awtoridad ang umaatake sa media.
Tinapos ni Khan ang kanyang pagbisita sa Pilipinas sa pamamagitan ng pagsasagawa ng punong talakayan.
Sinabi rito ni Khan na kulang sa "systematic approach" ang bansa sa pagbibigay ng proteksyon sa mga media practitioner.
"In the context of protection or prevention of attacks (on journalists), I feel there is no proper system for that," giit ni Khan.
"You have to feel confident about approaching that protection mechanism. (But) from what I have heard, many journalists are actually afraid of the police. They're afraid of the security system," aniya pa.
Umaasa umano si Khan na mabigyan ito ng aksyon ng pamahalaan pagkatapos ng kanyang pagbisita.
Sinabi naman ni Presidential Task Force on Media Security (PTFoMS) Executive director Paul Gutierrez na tutugunan ng gobyerno ang mga obserbasyon ni Khan.
Simula Hulyo 2022, nasa 109 insidente na ng pag0atake at pagbabanta laban sa mga mamamahayag ang naitala ng National Union of Journalists of the Philippines.
IKE ENRIQUE - HN NEWS CONTRIBUTOR
No comments:
Post a Comment