Duda si Santa Rosa City Rep. Dan Fernandez kung napagserbisyuhan ng tama ng Manila Electric Company (Meralco) ang mga kustomer nito.
Ayon kay Fernandez ang paghahain ni House Committee on Ways and Means chairperson at Albay Rep. Joey Salceda ng House Bill 9793 ay "welcome" at magbibigay ng pagkakataon upang marepaso ang serbisyong ibinigay ng Meralco.
"I welcome the HB (House Bill) filed by chair Joey Salceda. With this we can truly discern if indeed Meralco's franchise deserves extension, segmentation or revocation," sabi ni Fernandez.
Sa ilalim ng HB 9793, muling bibigyan ng 25-taong prangkisa ang Meralco. Kasama rin sa panukala ang pagpapalawig sa mga lugar na nabibigyan nito ng serbisyo.
"No doubt services are rendered but [was it] efficiently done and to the least cost manner as mandated by the law is subject for debate," dagdag pa ni Fernandez.
Nauna rito, nag-privilege speech si Fernandez at ipinanukala nito na biyakin sa tatlo ang prangkisa ng Meralco.
Naniniwala umano si Fernandez na hindi nabigyan ng Meralco ng tamang serbisyo ang mahigit 7 milyong kustomer nito dahil mataas ang singil nito sa kuryente.
BECCA DANTES – HN NEWS CONTRIBUTOR
No comments:
Post a Comment