Huli sa akto ang dalawang pulis habang nagtatalik sa loob ng kotse sa isang parking lot ng isang mall sa Laguna.
Naaktuhan mismo ang magkabit na pulis ng kanilang mga asawa na mga pulis din.
Sa imbestigasyon, nabatid na matagal nang nagdududa ang kani-kanilang asawa na may relasyon ang lalaking police major, 40 anyos; at ang 41-anyos na babaeng may ranggong police executive master sergeant.
Agad na pinuntahan ng dalawang nagrereklamong pulis ang isang mall sa Laguna nang makatanggap ng impormasyon na magkasama ang kani-kanilang asawa.
Nang nasa lugar na, namataan nila ang sasakyan ng isa sa mga pulis sa parking lot. Nang silipin na nila kung nasa loob ang dalawa, laging gulat nila na nagtatalik ang mga ito dakong 10 ng umaga.
Kinompronta ng mga complainant ang dalawa, ngunit tinangka pa ng mga itong tumakas. Pero hindi nagtagumpay ang dapat na pagtakas ng magkabit na pulis nang barilin ng lalaking pulis ang gulong ng sinasakyan ng kanyang misis.
Nagawa pang tumalon sa sasakyan ng lalaking pulis na suspek at akmang tatakbo subalit nabaril ito ng kanyang asawa at tinamaan sa balikat.
Nakatakas naman ang misis ng opisyal at pinatakbo ang sasakyan kahit flat na ang gulong.
Isinugod ng mga rumespondeng pulis ang lalaking suspek sa isang ospital sa Laguna.
Samantala, pinaghahanap na ngayon ang babaeng suspek na pinaghihinalaang nagtungo sa Batangas.
Mahaharap sa mga kasong adultery at concubinage ang magkabit na pulis, ayon sa Philippine National Police.
CALOY CARLOS - HN NEWS CORRESPONDENT
No comments:
Post a Comment