Mas makabubuting tanggalin na bilang miyembro ng Nationalist People's Coalition (NPC) si Bamban, Tarlac Mayor Alice Guo dahil sa di umano'y koneksyon nito sa iligal na offshore gaming operation sa bansa, ayon kay Senador Sherwin Gatchalian.
"Ako, personally, from what I'm seeing and this is my personal take, na ma-expel sya sa NPC because connected sya sa Pogo (Philippine offshore gaming operator)," sabi ni Gatchalian, bahagi ng advisory council ng NPC.
"And yung kanyang birth certificate is irregular and also invalid because of the source of information," dagdag pa niya.
Si Guo ay tumakbong independent candidate noong 2022 election at sumanib sa NPC matapos manalo sa mayoralty race sa Bamban, Tarlac.
"It is important for NPC members to have a high standard of integrity, good moral conduct, and more importantly, hindi nasasangkot sa ganitong kriminalidad," saad ni Gatchalian.
"As a member of the NPC advisory council, it is important that NPC members maintain integrity, or this will set a bad precedent," sambit pa niya.
IKE ENRIQUE - HN NEWS CONTRIBUTOR
No comments:
Post a Comment