Kumbinsido si Senador Ronald "Bato" dela Rosa na may "leaked" na dokumento na nag-uugnay kay Pangulong Ferdinand "Bongbong" Marcos Jr. at aktres na si Maricel Soriano sa paggamit ng iligal na droga, ito aniya ay totoo at hindi gawa-gawa lamang.
Ang mga kinuwestiyong dokumento ay ang Philippine Drug Enforcement Act's (PDEA) Authority to Operate and a Pre-Operation Report na may petsang Marso 11, 2012.
"Well, lumalabas per my impression, na yung papel na ni-leak although dine-deny ng PDEA dahil wala naman daw talaga sa inventory sa records nila, sinasabi nila nilang nong-existent pero ako masasabi ko, it is existing," pahayag ni Dela Rosa sa panayam sa Radyo 630.
"It is existing 'yang papel na 'yan dahil klaro man sa nature of the…yung papel na tinitingnan ko. Hindi 'yun AI-generated, hindi 'yun siya gawa-gawa lang," dagdag pa niya.
Katuwiran ni Dela Rosa, dating Philippine National Police (PNP) chief, may 'punch hole' umano na makikita sa nasabing dokumento.
"Dahil klaro na siya ay galing sa isang malaking, parang naka-folder kung saan tinanggal lang siya sa dun fastener. Dahil 'yung pag-picture sa kanya at pag-photocopy ay nakikita sa kanya doon yung yung butas, yung hole puncher na dinaanan niya para ipasok sa fastener" paliwanag ng senador.
"At inaamin ng PDEA legit daw yung mga vehicles na nakasulat doon, kanilang mga vehicle yun,, naniniwala ako na existing yung papel na yung pre-operation report at saka authority to conduct operation..totoo yung existing yun…" sabi pa ni Dela Rosa.
"Pero dinedeny ng PDEA dahil as far as are they concerned..wala sa kanilang files, di makikita doon. I took their words both sides, talagang nagsasabi sila na katotohanan…" sambit pa ng mambabatas.
Nang tanungin kung naniniwala siyang mayroong mga mataas na personalidad na nakasama sa drug list noong mga panahong iyon, sinabi ni Dela Rosa na, "Very clear naman sa testimoniya ng ating resource person, na ang talagang ang subject ng kanilang inaaplayan nila ng pre operation ay ang actress na Maricel Soriano at politician na si Bongbong Marcos, very clear naman sa sinabi na dun…"
Noong Martes, pinangunahan ni Dela Rosa, chairman ng Senate committee on public order and dangerous drugs, ang imbestigasyon sa nasabing leaked documents ng PDEA.
Sa naturang pagdinig, nanindigan si PDEA Director General Moro Virgilio Lazo na peke ang nasabing mga dokumento. Pinasinungalingan naman ito PDEA investigation agent Jonathan Morales at sinabing 'authentic' o tunay ang nasabing leaked documents na nag-uugnay kay Marcos at Soriano sa iligal na droga.
Si Morales ang signatory na nasabing mga dokumento. Nang tanunging kung bakit kumbinsido ba sa mga impormasyong ibunyag ni Morales, sinabi ni Dela Rosa na naniniwala siyang walang itinatago ang dating PDEA agent.
"Kasi nakikita ko na wala siyang tinatago. very straightforward siya sa kanyang mga sinasabi at meron naman siyang ipinapakita rin na papeles talaga. Yung kopya ng papel na yun ay inaamin niya na siya ang pumirma, at hindi naman dine-deny ng mga tao na hindi siya member ng PDEA at that time, talagang taga-PDEA siya, natanggal lang siya later on," ani Dela Rosa.
Subalit hindi ito umano nangangahulugan na ang mga subject na personalidad na nakalagay sa leaked documents are kumpirmadong na mga gumagamit ng iligal na droga.
"Ibig sabihin kung ang pangalan mo ay nakalagay doon, you are a subject for validation. Pre-operation nga, kasi kapag pre-operation ka, ibig sabihin mayroong information about you na drug-using. So ginagawa yung pre-operation report bago mag-conduct ng operation," sabi pa ni Dela Rosa.
ATTY. EDNA B. DEL MORAL
No comments:
Post a Comment