Nagpaala ang isang kilalang cardiologist at health reform advocate na si Dr. Tony Leachon sa publiko at sa ilang content creator/vlogger na mag-ingat sa sobrang pagkain ng karne o red meat na maaring maging sanhi ng stroke o heart attack.
"Kung kakain, dapat kalahati lang ng plato ang may kaning kasing laki ng kamao at maliit na serving ng karne," payo niya. "Almost half of the plate, ay gulay. tapos prutas., ani Leachon.
Ang paalala ni Leachon ay kasunod ng pagkamatay ng isang content creator dahil sa namatay sa brain stroke ng dahil sa mga kinakain.
Nabatid Hunyo 14, 2024, nang gumawa ng vlog si Dongz Apatan na nilalantakan ang mga pritong manok sa kanyang 'mukbang content' nang atakehin at isugod sa pagamutan.
Sumailalim umano sa x-ray, laboratory, at CT scan kung saan natukoy na nagkaroon ng blood clots sa utak, na dapat ay dadalhin pa sa ospital sa Cagayan De Oro para operahan subalit binawian na ng buhay kinabukasan, Hunyo 15.
"Ibig sabihin, tumaas ang blood pressure niya, pumutok 'yung ugat sa brain niya. So, ang kinamatay niya, eh, hemorrhagic stroke," ani Leachon.
Ayon kay Leachon, posibleng may kinalaman ang kinakain at kung gaano ito kadalas o karami na kinakain sa nangyari, na maaari ring sa iba.
Paalala niya, lahat ng sobra ay masama sa katawan kaya dapat maging maingat sa kinakain at mas mabuti kainin ang isda at manok kaysa red meat o karne.
HAZEL HEDI - HN INVESTIGATIVE REPORTER
No comments:
Post a Comment