Na-cite in contempt ng Senate committee on women si suspended Bamban Mayor Alice Guo at 22 iba pa dahil sa hindi pagdalo sa pagpapatuloy na pagdinig ng kanilang koneksyon sa Philippine Offshore Gaming Operator (POGO) sa Tarlac.
Sa ika-apat na pagdinig ng komite, naghain si Senador Sherwin Gatchalian na mosyon para i-cite in contempt ang mga sumusunod: Alice Guo (Guo Hua Ping), Nancy J. Gamo, Dennis Cunanan, Wenyi Lin, Seimen L. Guo, Jian Zhong Guo, Wesley Guo at Sheila Guo.
Tinanggap naman ni Senadora Risa Hontiveros, chair ng komite, ang mosyon ni Gatchalian. "This committee is ordering the arrest of the persons cited in contempt to be submitted to the Senate President for his signature," sabi ni Hontiveros.
Ayon kay Hontiveros, susulatan niya Hontiveros si Senate President Francis Escudero pagkatapos na pagdinig na pirmahan ang arrest order laban kay Mayor Guo at iba pa.
"The chair has ruled to cite them [for] contempt. Pagkatapos ng hearing, susulatan ng chair ang Senate President, once i-affix ng Senate President yung citing [for] contempt ng chair, in effect, mase-set in to motion na 'yung pag-issue ng warrant of arrest," saad ni Hontiveros.
Nag-isyu rin ang komite na subpoena sa mga sumusunod na indibidwal: Jaimielyn S. Cruz, Roderick Paul B. Pujante, Juan Miguel Alpas, Katherine Cassandra Ong, Alberto Rodulfo "Ar" De La Serna, Jonathan Mendoza at Ronelyn B. Baterna.
Ang iba pa ay sina Michael Bryce B. Mascarenas, Stephanie B. Mascarenas, Rodrigo A. Banda, Jing Gu, Xiang Tan, Daniel Salcedo, Jr., Chona A. Alejandre at Duanren Wu.
ATTY EDNA B. DEL MORAL
No comments:
Post a Comment