Tila dedma talaga si Pia Wurtzbach sa mga intrigang pumapalibot sa kanya nitong mga nakaraang araw, ha! Tila wala siyang balak magpaapekto at mas piniling ipakita sa lahat na she's living her best life.
Sa isang Instagram post nga kasi, ibinida ni Pia ang kanyang so fresh at glowing skin na animo'y walang kabahid-bahid ng stress! Sa kabila ng lahat ng issues na kinakaharap niya, tila wala itong epekto sa kanyang aura, na lalo pang umaapaw ang ganda.
Pinusuan naman ito ng mga netizen, at may ilan pa ngang binansagan siyang Unbothered Queen! Sey pa ng isa, ang ganda raw ni Pia ay "Gandang may pogi at matalinong asawa." Kaloka!
Eh palagi kasing 'isinasabong' si Pia kay Heart Evangelista at ang latest nga ay nang mag-post ang Kapuso actress ng picture ng aso nito na si Panda habang suot ang isang necklace mula sa isang high jewelry brand na associated kay Pia.
Dahil nga roon, may panibagong intriga na naman kina Pia at Heart.
Kanya-kanyang bigay-kulay nga ang mga netizen dahil sa posting na iyon. Kaloka. Nagkaroon tuloy ng iba't ibang teorya at kuro-kuro kung may namumuong isyu ba sa pagitan ng dalawang itinuturing na reyna.
At the end of the day, 'di natin masasabi kung mayroon ba talagang rift sa dalawang reyna, pero at least mukhang enjoy naman ang dalawa sa kanya-kanya nilang buhay, no!
MARU BOK - SHOWBIZ NEWS CONTRIBUTOR
No comments:
Post a Comment