Punung-puno ang Viva Cafe noong September 10, 2024, 9pm sa dami ng mga gustong mapanuod ang kauna-unahang performances ng "Magic Voyz" on stage para sa kanilang Grand Launching. Hindi magkamayaw ang mga audiences sa kanilang mga tiliian at palakpakan dahil sa galing ng kanilang pagkanta at pagsasayaw.
Ipinakilala rin sa members of the media ang bagong sexy boy group na "Magic Voyz" na sina Jhon Mark Marcia, Jace Ramos, Mhack Morales, Ian Briones, Juan Paulo Calma, Johan Shane at Rave Obado.
Uminit ang gabi ng grand launching ng grupo dahil sa maiinit nilang sexy performances. At infairness naman sa grupong ito, very promising at maipagmamalaki naman ang kanilang mga talento.
Pinaghalong SB19 at Masculados ang kanilang peg sa pag pe perform. Nag ala Magic Mike sa stage ang grupo. Layunin ng grupo na mapasaya ang kanilang mga audiences sa pamamagitan ng kanilang pag kanta at pag giling sa stage habang naka see through polo.
Bukod sa latest singles nilang "Wag Mo Akong Titigan" at "Bintana" ay inawit ng grupo ang trending song na "Maybe This Time" ni Sarah Geronimo at ilan pang sexy dance covers
Matapos ang kanilang performances ay nakapanayam ng ilang members of the media ang "Magic Voyz"" Naitanong sa grupo kung paano nabuo ang kanilang grupo?
"Binuo po kami ng aming manager na si Kuya Lito De Guzman. Isa-isa niya kaming pinili para maging member ng grupo," pahayag ni Jhon Mark Marcia
Ano naman ang pinagkaiba nila sa ibang boy group?
"Bukod sa aming talent sa pagsasayaw at pagkanta, bawat isa sa min ay may kanya-kanyang magic na makikita," pagbabahagi naman ni Mhack Morales
Bukod sa kanilang career bilang grupo ay may kanya-kanya ring individual career ang bawat isa. Ang ilan sa kanila ay may mga sariling pelikula sa Vivamax.
Aabangan daw ang mga susunod nilang singles, pelikula, show sa Viva Cafe at mga out-of-town shows.
No comments:
Post a Comment