Nasa peligro ngayon ang Singapore-based e-commerce giant na Sea Group, ang nagma-may-ari ng dalawang local subsidiaries na Shopee Philippines at SPX Philippines sa umano'y paglabag nito sa Labor Code, Anti-Dummy Law at iba pang umiiral na batas at regulasyon ng pamahalaan.
Sa bisa ng inihaing House Resolution No. 1718 ni Asosasyon Sang Mangunguma Nga Bisaya-Owa Mangunguma (AAMBIS-Owa) Party-list Rep, Lex Anthony Cris Colada nakatakdang imbestigahan ng House of Representatives ang ownership ng nasabing kompanya bilang pagsunod sa itinatakda ng Labor Code at Anti-Dummy Law.
Nakasaad sa HR 1718, pagma-may-ari rin ni Shopee Philippines Chairman at major shareholder na si Jan Frederick Chiong ang 60-percent share ng SPX Philippines.
"With the continues growth of e-commerce in the Philippines, as well as the dominance of a few e-commerces marketplaces controlling a major e-commerce transactions in the country, it is imperative that entities such as Shopee and SPX comply with labor laws and standards that protect the welfare and livelihood of Filipinos,' batay sa HR 1718 ni Colada.
"It is also imperative that these major market-share holders in the e-commerce industry and its adjacent industries like logistics, including entities such as Shopee and SPX, fully-comply with all pertinent laws and regulations in the Philippines related to the incorporation and conduct of their businesses," dagdag pa ng AAMBIS-OWA party-list solon.
Nauna rito, kinondina ni Colada ang umano'y labor malpractices ng Shopee Philippines at SPX Philippines Inc., ang dalawang kilalang on-line shopping business sa bansa.
Isiniwalat ni Colada ang mga pang-aabuso diumano ng SPX Philippines sa mga kawani nito, kabilang na ang one-year delay sa pagbibigay ng sahod at iba pang kompensasyon dahilan para magwelga ang mga drivers nito noong 2021.
Bukod dito, inirereklamo rin ng mga empleyado nito ang kawalan nila ng social at welfare benefits gaya ng accident at health insurance.
Noong 2022, nagtanggal ng maraming empleyado ang Shopee Philippines at SPX, kabilang ang SPX drivers, sa kabila ng pagmamalaki ng local subsidiaries na mayroon silang expansion ng kanilang operasyon sa bansa.
"There has been an alarming increase in the number of labor cases related to and against SPX in the past and current year, including cases that involve labor-only contracting and union busting," sabi pa ni Colada.
IKE ENRIQUE - HN NEWS CONTRIBUTOR
No comments:
Post a Comment