Hindi pipigilan ng gobyerno ng Pilipinas ang International Police (Interpol) sa pagsisilbi nila ng arrest warrant laban kay dating Pangulong Rodrigo Duterte at iba pang respondent sa International Criminal Court's (ICC) kaugnay sa imbestigasyon sa drug war ng dating administrasyon.
"We respect Interpol's actions 99.9 percent of the time," ayon kay Justice Secretary Jesus Crispin Remulla sa Kapihan forum sa Department of Justice (DOJ).
Ipinaliwanag ni Remulla na responsibilidad ng Interpol na isilbi ang inisyung arrest warrant ng ICC at bilang isang bansa na miyembro, dapat na makipagkooperasyon ang Pilipinas.
"If a problem arises, they (ICC) will bring it to Interpol. We are members of Interpol, and we do not block any movement of Interpol unless a policy contradicts our international commitments," ani Remulla.
Ang isyu sa hinaharap ay kung maglalabas ng warrant of arrest at trabaho ng Interpol na isilbi ito.
Ipinaliwanag ni Remulla na sa ilalim ng "principle of comity," ang gobyerno ng Pilipinas ay hindi makikialam hanggang walang nilalabag na batas sa bansa ang Interpol.
"The principle of comity dictates that we remain friendly and do not block any legal actions they undertake. If they engage in illegal activities, then we will not tolerate that if they violate our laws," dagdag ni Remulla.
MICHAEL DINGLASAN - HN INVESTIGATIVE REPORTER
No comments:
Post a Comment